Os profundos cambios experimentados polo mercado laboral nos \u00faltimos anos, vinculados sobre todo ao despegue da dixitalizaci\u00f3n, requiren dunha constante actualizaci\u00f3n das competencias profesionais e, neste contexto, foi no que xurdiron as microcredenciais, cursos breves pensados para resolver o reto da capacitaci\u00f3n r\u00e1pida para todo tipo de perf\u00eds impartidos por universidades e outras instituci\u00f3ns en distintas modalidades. De momento, cada pa\u00eds europeo organizou o seu propio sistema, pero a idea \u00e9 cami\u00f1ar cara a creaci\u00f3n dun futuro modelo europeo de microcredenciais, algo para o que \u00a0xa se puxo en marcha un consorcio internacional liderado desde a Universidade de Vigo e financiado polo Servizo Espa\u00f1ol Para a Internacionalizaci\u00f3n da Educaci\u00f3n, SEPIE, con 400.000 euros, no marco do programa Erasmus+.<\/p>\n
Baixo a denominaci\u00f3n Enhancing Professional Development for Higher Education Staff through Micro-Credentials, MicroHEI, a coordinaci\u00f3n do proxecto corre a cargo do docente Fernando Cerdeira, director do Centro de Posgrao e Formaci\u00f3n Permanente, en colaboraci\u00f3n coa \u00c1rea de Educaci\u00f3n da Oficina de Proxectos Internacionais da Universidade de Vigo. C\u00f3ntase como socios coa Univerza V Mariboru, de Eslovenia; a Zilinska Univerzita V Ziline, de Eslovaquia; a Universidade do Porto, de Portugal; a European University Foundation \u2013 Campus Europae (EUF), de Luxemburgo, e a Latvijas Universitate, de Letonia. Todas estas instituci\u00f3ns configuran un consorcio internacional centrado na mellora da formaci\u00f3n continua e a acreditaci\u00f3n de competencias do persoal universitario no \u00e1mbito da educaci\u00f3n superior a trav\u00e9s do uso das microcredenciais.<\/p>\n
Ler nova completa no DUV<\/a><\/em>I<\/p>\n","protected":false},"excerpt":{"rendered":"