Modelado e control de accionamentos PMSM con MATLAB-Simulink

 

Descrición

Curso eminentemente práctico que proporciona os coñecementos esenciais para deseñar, modelar e validar sistemas completos de control para motores síncronos de imáns permanentes (PMSM) utilizando as ferramentas estándar da industria: MATLAB e Simulink.Dirixido traballadores do sector da automoción, o programa de estudos abrangue todo o fluxo de traballo: dende o modelado dos compoñentes de electrónica de potencia con Simscape ata a implementación de estratexias de control avanzadas como o Control Vectorial Orientado (FOC) e técnicas de control sen sensores (sensorless).

 

 

 

Modalidade

 

Horario

Venres de 16:00 a 21:00

 

 

Prezos

Público en xeral	Alumni UVigo	Comunidade UVigo
470 €	423 €	399.5 €

Observacións aos prezos

As persoas en situación de desemprego ou discapacidade recoñecida poderán solicitar o prezo reducido da comunidade universitaria no momento da matrícula.
Esta microcredencial enmárcase dentro do “Plan de desenvolvemento de microcredenciais universitarias” e contará cunha financiación do 70% para idades entre 25 e 64 anos. O alumnado pagará un 30% do prezo que lle corresponda. 
Subvención recibida da Xunta de Galicia segundo o convenio de colaboración asinado o pasado 2 de maio entre a Consellería de Educación, Ciencia, Universidades e Formación profesional e as universidades galegas. Fondos do Ministerio de Ciencia, Innovación e Universidades. Plan de Recuperación, Transformación e Resiliencia – Financiado pola Unión Europea – NextGenerationEU

 

Obxectivos

Este curso está deseñado para capacitar aos estudantes no modelado e simulación de compoñentes de electrónica de potencia, incluíndo circuítos eléctricos, MOSFETs e IGBTs, utilizando a ferramenta Simscape. Ademais, os estudantes aprenderán a modelar e simular convertidores DC/AC con modulación por ancho de pulso (PWM) e con control de corrente en lazo pechado. O curso tamén aborda o modelado e simulación de motores síncronos de imáns permanentes (PMSM) e o control por campo orientado (FOC) baixo diferentes condicións de operación. Ao finalizar o curso, os estudantes non só comprenderán a teoría, senón que serán capaces de aplicar os coñecementos adquiridos en situacións prácticas, utilizando as ferramentas de MATLAB e Simulink.

 

Destinatarios

Persoal técnico con experiencia en sistemas electrónicos e graduados en enxeñaría electrónica que teñan interese en introducirse no modelado e deseño dos accionamentos empregados na propulsión de vehículos eléctricos.

 

Saídas Profesionais

Os coñecementos adquiridos no curso permitirán que alumnado se incorpore no departamento de enxeñaría de empresas do sector do vehículo eléctrico.

 

Competencias Específicas

CE1 Deseñar sistemas ou equipos eléctricos ou electrónicos (S1-11-2)

CE2 Modelar electrónica de potencia

 

Competencias Transversais

CT1 Pensamento analítico

CT2 Resolver problemas complexos

 

Condicións de acceso

Documentación requirida:

Documento de identificación.

Certificación estudos previos

Certificado de experiencia profesional ou equivalente

 

Criterios de selección

Experiencia laboral 80%

Entrevista persoal 20%

 

Materias

id	nome	caracter	créditos
200630	Modelado y Control de Accionamientos PMSM con MATLAB-Simulink	Obligatoria	5.0

 

Profesorado

 

Avaliación

Asistencia (obrigatoria do 80%): 10%.

Proba 1: Traballo sobre o modelado do convertedor DC/AC (45%). 13 de marzo de 2026

Proba 2: Traballo sobre o sistema de control (45%). 8 de maio de 2026

 

Titulación

Título na microcredencial “Modelado e control de accionamentos PMSM con MATLAB-Simulink”