Programa universitario para o emprego e a vida autónoma (EMAU)
Descrición
O programa EMAU (Emprego e Vida Autónoma) é unha iniciativa coordinada pola Universidade de Vigo e desenvolvida no marco do programa Unidiversidad da Fundación ONCE.
O seu obxectivo é ofrecer unha formación universitaria adaptada a mozas e mozos con discapacidade intelectual, do desenvolvemento e/o do espectro autista, co fin de mellorar as súas competencias persoais, sociais e laborais, e favorecer a súa empregabilidade e autonomía.
Ligazón do vídeo realizado nun obradoiro da primeira edición do Programa universitario para o emprego e a vida autónoma.
Coordinadoras académicas
Maruxa Álvarez Jiménez
Reyes Fernández González
Contacto
unidiversidade@uvigo.gal
Telf. 986 818 710
Prezos
A matrícula estará subvencionada na súa totalidade.
Obxectivos
- Fomentar a inclusión universitaria das persoas con discapacidade intelectual e do desenvolvemento.
- Desenvolver competencias transversais que faciliten a súa autonomía e participación social.
- Mellorar a empregabilidade mediante a formación práctica e o contacto coa contorna laboral real.
- Promover a igualdade de oportunidades e a accesibilidade na educación superior.
Destinatarios/as
O programa está dirixido a mozos menores de 30 anos con discapacidade intelectual, do desenvolvemento e/o do espectro autista, inscritos no Sistema Nacional de Garantía Xuvenil, que desexen ampliar a súa formación e adquirir habilidades para a vida independente e o acceso ao emprego.
Programa
Trátase dunha formación interdisciplinar para a mellora da empregabilidade, as competencias sociolaborais e favorecer a inclusión laboral das persoas con discapacidade intelectual. Ademáis do equipo docente da Uvigo, o título conta con persoal técnico que realizan apoios activos dentro da aula, actuando como especialistas en pedagoxía terapéutica
Titulación
A superación da formación dará lugar á obtención dun título propio da Universidade de Vigo: Curso de Formación Superior para o emprego e a vida autónoma – EMAU