Técnica de caracterización química de superficies: XPS

 

Descrición

A microcredencial “Técnica de caracterización química de superficies: XPS” ten por obxectivo ofrecer unha formación especializada, aplicada e actualizada en a técnica analítica avanzada para a análise superficial de materiais.

Esta proposta busca favorecer a transferencia de coñecemento desde o ámbito académico ao tecido produtivo e á sociedade, mediante unha formación que sexa: Académicamente rigorosa, por estar baseada en contidos teóricos e prácticos actualizados, impartidos por profesionais con ampla experiencia no uso desta técnicas. Profesionalmente relevante, ao centrarse na aplicación práctica da espectroscopía de fotoelectróns excitados por raios X (XPS) técnica clave en sectores como a microelectrónica, a ciencia de materiais, a biomedicina e a enerxía. Persoalmente enriquecedora, ao permitir que a poboación adulta con formación científica amplíe as súas competencias técnicas, mellore a súa empregabilidade e acceda a novas oportunidades profesionais.

Esta microcredencial está especialmente dirixida a persoas interesadas en adquirir competencias avanzadas en análise superficial, cun enfoque práctico que lles permita aplicar directamente os coñecementos adquiridos en contornos profesionais reais.

 

 

 

Modalidade

 

Horario

Todos os días de 17.00 a 19.00 excepto o 8 de maio que sería de 17.00 a 18.00.

 

 

Prezos

Público en xeral	Alumni UVigo	Comunidade UVigo
188 €	169.2 €	159.8 €

Observacións aos prezos

Prezo final unha vez subvencionado: 56,40 euros (*)

*Este sería o prezo final para o público xeral que cumpra os requisitos para a subvenció. Esta microcredencial enmárcase dentro do “Plan de desenvolvemento de microcredenciais universitarias” e contará cunha financiación do 70% para idades entre 25 e 64 anos. Subvención recibida da Xunta de Galicia segundo o convenio de colaboración asinado o pasado 2 de maio entre a Consellería de Educación, Ciencia, Universidades e Formación profesional e as universidades galegas. Fondos do Ministerio de Ciencia, Innovación e Universidades. Plan de Recuperación, Transformación e Resiliencia – Financiado pola Unión Europea – NextGenerationEU

As persoas en situación de desemprego ou discapacidade recoñecida poderán solicitar o prezo reducido da comunidade universitaria no momento da matrícula.

 

Obxectivos

Capacitar profesionais con formación universitaria para planificar, executar e validar análises avanzadas de superficies mediante XPS, integrando fundamentos físico-químicos, configuración instrumental e metodoloxías de medida.

Fomentar a autonomía e o xuízo crítico no deseño de protocolos, a resolución de problemas complexos, a interpretación rigorosa de espectros e mapas químicos e a transferencia de coñecemento a contornos de investigación e industriais.

 

Destinatarios

Graduados/as en Enxeñaría Química, Bioenxeñaría, Enxeñaría Química Industrial, Enxeñaría de Materiais, Enxeñaría da Enerxía, Graduados/as en Química, Dobre Grao en Química e Bioloxía.

 

Saídas Profesionais

Ao rematar a microcredencial, o alumnado dominará os fundamentos fisico-químicos da técnica XPS aplicadas á caracterización química e estrutural de superficies, sendo quen de planificar, executar e validar análises en contornos profesionais reais. Desenvolverá habilidades para operar, calibrar e manter os equipos con seguridade, deseñar experimentos axeitados aos obxectivos, configurar parámetros de adquisición, procesar e interpretar os datos con criterios de calidade (calibración, trazabilidade, estimación de incerteza) e comunicar resultados con terminoloxía precisa ante públicos especializados e non especializados. Adquirirá capacidades de autonomía e xuízo crítico para resolver problemas analíticos complexos, optimizar procedementos, diagnosticar incidencias instrumentais e analíticas comúns e transferir coñecemento a proxectos de I+D e a procesos industriais. O perfil de egreso proporciona competencias esenciais para o desempeño como especialista/analista en laboratorios de superficies de universidades e centros tecnolóxicos, técnico/a en empresas de materiais avanzados, micro/nanoelectrónica, biomateriais ou enerxía, e profesional de I+D+i en caracterización de recubrimentos, interfaces e fallo de material, favorecendo a innovación e a competitividade.

 

Idioma

Castelán

 

Competencias Específicas

CE1 Aplicar técnicas avanzadas para a caracterización química e estrutural de superficies,utilizando equipamento científico-técnico de alta complexidade en contornos profesionais reais.

CE2 Operar, calibrar e manter instrumentos, seguindo protocolos de seguridade, calidade e boas prácticas de laboratorio.

CE3 Procesar, interpretar e comunicar os resultados das análises espectroscópicas e espectrométricas, empregando terminoloxía científica precisa e adaptada ao contexto profesional ou investigador.

CE4 Integrar coñecementos teóricos e prácticos para resolver problemas analíticos complexos relacionados coa análise superficial, contribuíndo á innovación en ámbitos como a investigación de materiais, a microelectrónica, a enerxía ou a biomedicina.

 

Competencias Transversais

CT1 Procesar información, ideas e conceptos

CT2 Planificar e organizar

CT3 Lidiar con problemas

CT4 Utilizar quipos, ferramentas o tecnoloxía con precisión

CT5 Capacidades e competencias de autoxestión

 

Condicións de acceso

Documentación necesaria para o acceso:

Documento de identificación

Título universitario

Curriculum Vitae

 

Materias

id	nome	caracter	créditos
200677	Técnica de caracterización química de superficies: XPS	Obligatoria	2.0

 

Profesorado

 

Avaliación

Avaliación do curso seguirá un modelo continuo que integra a participación nas clases e a superación das diferentes probas.

– Asistencia obrigatoria: As persoas participantes deberán asistir, como mínimo, ao 90% das clases, co fin de garantir o seguimento dos contidos.

– Probas de coñecemento: Deberanse superar probas específicas deseñadas para avaliar a comprensión dos contidos teóricos e prácticos.

– Certificación e convocatorias: A obtención da certificación do curso require cumprir todos os requisitos anteriores. A segunda oportunidade terá lugar unha semana despois de rematar a formación. Realizaránse probas curtas ao longo do curso e unha proba final de 1 h. Probas tipo curto ao longo do curso (60%) Proba final (40%) o 24/04/2026.

 

Titulación

Título na microcredencial “Técnica de caracterización química de superficies: XPS”