Oratoria e comunicación para docentes

 

Descrición

É un curso deseñado para fortalecer as habilidades de comunicación dos docentes. Os participantes reflexionarán sobre a importancia da oratoria no ensino, traballarán a súa confianza escénica, aprenderán técnicas de comunicación verbal e non verbal, deseñarán mensaxes claras e persuasivas e poñerán en práctica o aprendido mediante exercicios prácticos. O obxectivo é facilitar ferramentas para transmitir coñecementos de forma efectiva na aula.

 

 

 

Modalidade

 

Horario

luns, mércores e venres de 9:30 – 13:30

 

 

Obxectivos

– Mellorar as habilidades de comunicación verbal e non verbal, promovendo unha expresión clara e persuasiva na aula.

– Fortalecer a capacidade de estruturar ideas, manexar o ton e a dicción.

– Conectar emocionalmente cos alumnos.

– Fomentar un ambiente educativo dinámico e efectivo.

 

Destinatarios

Esta actividade está destinada ao profesorado da Universidade de Vigo. Terá preferencia o profesorado que estea no POD deste ano académico.Se quedan prazas dispoñibles poderán participar outros perfís da Universidade de Vigo, baixo o criterio da Área de Formación e Innovación Educativa.

 

Metodoloxía

CLASE 1: 
– A importancia da oratoria na docencia.
– A conexión entre a oratoria e a pedagoxía. 
– Principios básicos de comunicación efectiva. 
– Barreiras de comunicación e como superalas. 
CLASE 2: 
– A Confianza Escénica: 
– Técnicas para superar o medo escénico. 
– O uso da voz, a postura e a linguaxe corporal. 
– A importancia do contacto visual. 
CLASE 3: 
– As Ferramentas de Comunicación Verbal e Non Verbal.
– O control do ton, volume e velocidade da voz. 
– O uso estratéxico do silencio. 
– A linguaxe corporal persuasiva. 
CLASE 4: 
– O deseño de Mensaxes Claras e Persuasivas: 
– Estruturas básicas dun discurso (introdución, desenvolvemento e conclusión). 
– A técnica do “storytelling” aplicada ao ensino. 
– O manexo de preguntas e a retroalimentación na aula.

 

Profesorado

Daniel Formoso Vérez

 

Avaliación

Dous compoñentes complementarios:

Avaliación continua (60%): ao longo do curso, os participantes realizarán exercicios prácticos de forma regular, enfocados en diferentes aspectos da oratoria: modulación da voz, linguaxe corporal, estruturación do discurso, manexo do tempo, entre outros.Cada exercicio será avaliado polo titor con base nos seguintes criterios: Claridade e coherencia da mensaxe. Uso de técnicas traballadas. Participación activa e mellora progresiva

Avaliación final (40%): ao peche do curso, cada docente desenvolverá unha exposición completa sobre un tema pedagóxico ante os seus propios compañeiros. Presentación que será avaliada nos seguintes aspectos:

1)Organización do contido e claridade do propósito comunicativo.

2) Uso efectivo de técnicas de oratoria.

3) Capacidade de conectar coa audiencia.

4) Seguridade, fluidez e manexo dos recursos expresivos.