Trucos e boas prácticas na elaboración de documentos dixitais (CIXUG)

 

Descrición

LibreOffice e OpenOffice son proxectos licenciados en software libre, e están dispoñibles de balde para seren descargados en varias plataformas. O obxectivo deste curso é amosar ao alumnado trucos e boas prácticas á hora traballar e crear documentos ofimáticos para un entorno académico/universitario/profesional, e así conseguir elaborar documentos de calidade, con resultados profesionais, seguros, perdurables e de fácil modificación. Daranse as nocións suficientes para elaborar con garantías documentos para grandes proxectos, proxectos de fin de grao ou teses, crear documentación técnica e matemática, manter bibliografías, editar de forma colaborativa, controlar versións de documentos, asinar dixitalmente, configurar e adaptar as contornas de traballo, etc.Tamén se obterán os coñecementos necesarios para unha correcta configuración do paquete ofimático, ben sexa LibreOffice, personalización e adaptación dos mesmos, así como onde obtelo e como complementalo con máis funcionalidades a través das extensións.

 

 

 

Modalidade

 

Horario

Por definir (https://www.cixug.gal/cursos/2026-cxg-trucos/)

 

 

Obxectivos

O obxectivo deste curso é amosar ao alumnado trucos, e boas prácticas á hora de traballar e crear documentos de texto, para un entorno académico, universitario e profesional.

 

Destinatarios

PDI da Universidade de Vigo 

 

Competencias Específicas

• Adquirir novas destrezas no uso diario do computador
• Elaborar material dixital de forma eficiente, estándar, perdurable e conforme a lexislación actual
• Obter recursos multimedia legais e respectando a propiedade intelectual
• Descubrir novas opcións e posibilidades en contornas ofimáticas
• Afondar nas aptitudes ofimáticas
• Aumentar a produtividade no traballo ofimático diario
• Configurar e adaptar o entorno ofimático ás pretensións e necesidades do usuario
• Coñecer as licenzas que faciliten compartir o noso traballos
• Xestionar versións de traballos
• Sinatura dixital de documentos ofimáticos
• Protexer o noso traballo ofimático
• Coñecer o obter tipografías libres de regalías e patentes para os documentos

 

Condicións de acceso

Ser PDI da Uvigo. Prerrequisitos:

Habilidades ofimáticas básicas: uso básico de procesadores de texto ou follas de cálculo, xestión de ficheiros (copiar, mover, borrar, …) e interacción básica con calquera sistema operativo.

Precisarase un ordenador con acceso a Internet.

 

Criterios de selección

Orde de preinscrición

 

Metodoloxía

1. Introdución:

• Software Libre e software non libre.
• Cultura Libre e Creative Commons.
• Obter recursos libres.
• Formatos estándares.
• Ofimática: paquetes ofimáticos: Suites ofimáticas, Apache OpenOffice/LibreOffice, Versións e diferencias, Obtención e descarga.
• Contorna de traballo do Sistema Operativo: Execución eficiente de aplicacións, Atallos de teclado comúns, Manexo e colocación eficiente de fiestras, Xestión de procesos, Monitorización e control de procesos.

2. Creación dixital de documentos enriquecidos:

• Estilos e formatado.
• Modelos.
• Tipografías e fontes libres.
• Referencias bibliográficas.
• Exportar a PDF de calidade.
• Trucos e boas costumes: Barra de estado, Vistas do documento, Navegación rápida polo documento, Seleccións non consecutivas, Pegado especial, Atopar e substituír avanzado,  Separación Silábica, Comentarios, Índices automáticos, Numeración de capítulos, Campos de entrada, Xestión da bibliografía, Notación científica-matemática, Control de versión, Edición colaborativa, Asinado dixital de documentos.

3. Configuración e personalización de LibreOffice:

• Configuración: Opcións xerais, Opcións de Carga e Gardado, Opcións de Idioma, Autocorrección e autocompletado.
•  Personalizar: Atallos de teclado, Menús, Barras de ferramentas.

4. Extensións:

• Descarga de extensión.
• Xestor de extensións.
• Extensións engadidas por defecto.
• Máis extensión.

 

Avaliación

Os criterios que se terán en conta serán: A participación (10 horas de conexión como mínimo), avaliación continua mediante: probas, consulta en foros etc… Posibilidade dunha proba final.

 

Titulación

Curso en Trucos e boas prácticas na elaboración de documentos dixitais