Ferramentas Office365 para a docencia universitaria (Campus de Ourense)

 

Descrición

Este curso ofrece sacar partido ás ferramentas dixitais de Microsoft 365 para a súa docencia. Aprenderase a organizar e compartir materiais de forma segura na nube, a xestionar o correo e o calendario con maior eficiencia, e a crear enquisas e cuestionarios con corrección automática para a avaliación do alumnado. Tamén se traballará o deseño de espazos dixitais de materia, a gravación e publicación de vídeos explicativos, e a xestión de clases e titorías en liña. Ademais, o curso inclúe unha introdución ao uso da intelixencia artificial de Microsoft a través de Copilot, unha ferramenta que axuda a planificar materias, xerar actividades e redactar contidos docentes de forma áxil. Ao remate, o profesorado contará con recursos e habilidades concretas para integrar a tecnoloxía no seu traballo diario.

 

 

 

Modalidade

 

Horario

16, 17, 18, 23, 25, 30 de xuño

De 9:30 a 12h

 

 

Obxectivos

• Coñecer e manexar con soltura o contorno de Microsoft 365 para organizar, almacenar e compartir materiais docentes de forma segura e eficiente.
• Utilizar Copilot para apoiar a planificación de asignaturas, a xeración de contidos e a automatización de tarefas habituais na docencia.
• Xestionar a comunicación académica e a axenda profesional mediante Outlook, optimizando o tempo dedicado ao correo e á coordinación con alumnado e colegas.
• Crear recursos dixitais de calidade: páxinas de asignatura con SharePoint, cuestionarios de avaliación con Forms e vídeos explicativos con Stream.

 

Destinatarios

Esta actividade está destinada ao profesorado da Universidade de Vigo. Terá preferencia o profesorado que estea no POD deste ano académico.

O 75% das prazas do curso está destinada ao profesorado do Campus da Auga e o 25% restante está aberta a todo o profesorado da Universidade de Vigo.

Se quedan prazas dispoñibles poderán participar outros perfís da Universidade de Vigo, baixo o criterio da Área de Formación e Innovación Educativa.

 

Condicións de acceso

Profesorado da Universidade de Vigo.

 

Criterios de selección

Terá preferencia o profesorado que estea no POD deste curso académico.

Orde de inscrición.

Se quedan prazas dispoñibles poderán participar outros perfís da Universidade de Vigo, baixo o criterio da Área de Formación e Innovación Educativa.

 

Metodoloxía

• Módulo 1. Introdución e contorno Microsoft 365: Que é Microsoft 365: licenzas, plans universitarios e nube; Acceso desde calquera dispositivo: web, escritorio e móbil; Organiza e protexe os teus materiais con OneDrive.
• Módulo 2. Copilot: uso da IA de Microsoft 365: Como interactuar con Copilot de forma eficaz; Deseña materias e planificacións; Xera contido docente: explicacións, actividades e exemplos.
• Módulo 3. Outlook: correo, calendario e contactos: Interface, cartafoles, bandexa de entrada e filtros intelixentes; Automatizar tarefas con regras, categorías e filtros; Plantillas de correo para responder en segundos; Planificar clases, titorías e reunións co calendario.
• Módulo 4. Formularios: enquisas e cuestionarios con resultados: Deseña formularios e cuestionarios profesionais; Tipos de preguntas para avaliar mellor; Corrección automática e análise de respostas; Uso en avaliación continua e feedback do alumnado.
• Módulo 5. SharePoint: crea o teu espazo docente en liña: Deseña páxinas atractivas para a túa materia; Organiza contidos de forma clara para o alumnado; Comparte materiais de forma sinxela e segura.
• Módulo 6. Stream: gravación de vídeo: Gravación de pantalla e vídeo para clases e explicacións; Edición básica de vídeo e audio; Publicación e acceso para o alumnado. 

 

Profesorado

Pedro Celard Pérez

 

Avaliación

Requirirase asistir ao 80 % das sesións e realizar as actividades propostas no curso.

 

Titulación

Curso en Ferramentas Office365 para a docencia universitaria