Metodoloxía de adestramento e dirección de partido en categoría infantil, cadete e xuvenil

Descrición

A “Formación Avanzada en Adestramento de Fútbol 11” está deseñada para adestradores/as que buscan optimizar o rendemento dos/as xogadores/as nas categorías infantil, cadete e xuvenil. Cun enfoque integral, ofrece ferramentas para planificar, executar e avaliar adestramentos eficaces, incorporando metodoloxías innovadoras de corrección e aprendizaxe, así como o uso de tecnoloxía para a avaliación do rendemento. Ademais, promove o liderado e a xestión de equipos, adaptando todos os contidos ás necesidades específicas de cada categoría e asegurando unha aplicación práctica e contextualizada no día a día dos adestradores. 

Esta formación está dentro do Plan de desenvolvemento de microcredenciais universitarias, naceu do interese mostrado pola Fundación Denis Suárez. 

Modalidade

Horario

Prezos

Observacións aos prezos

Esta microcredencial enmárcase dentro do “Plan de desenvolvemento de microcredenciais universitarias” subvencionado pola Xunta de Galicia e contará cunha financiación de aproximadamente o 70%. O alumnado pagará un 30% do prezo que lle corresponda. 

As persoas en situación de desemprego ou discapacidade recoñecida poderán solicitar o prezo reducido da comunidade universitaria no momento da matrícula.

Obxectivos

• Mellorar as competencias pedagóxicas e comunicativas dos adestradores, proporcionando ferramentas eficaces para corrixir aos xogadores durante os adestramentos e a competición, fomentando unha aprendizaxe significativa e motivadora.
• Optimizar os procesos de ensino-aprendizaxe no contexto do fútbol base, coñecendo estratexias para acelerar a adquisición de habilidades técnico-tácticas e fomentar a toma de decisións eficiente nos xogadores.
• Aplicar principios de planificación ao deseño de sesións de adestramento que garantan unha mellora progresiva do rendemento dos xogadores, baseándose en métodos contrastados e adecuados ás idades e niveis de formación.
• Deseñar e aplicar exercicios efectivos para o desenvolvemento das capacidades futbolísticas dos xogadores, considerando a especificidade do xogo e os principios da metodoloxía do adestramento.
• Coñecer e aplicar os fundamentos para a preparación óptima antes dos partidos e adestramentos, desenvolvendo quentamentos específicos que melloren o rendemento e reduzan o risco de lesións.
• Analizar e avaliar o rendemento dos xogadores durante a competición, deseñando ferramentas e follas de avaliación que permitan unha análise obxectiva do xogo e a evolución dos deportistas.
• Implementar estratexias de recuperación post-esforzo, comprendendo a importancia do descanso e os coidados específicos para maximizar o rendemento nos seguintes partidos e sesións de adestramento.

Destinatarios

A microcredencial está dirixida a adestradores/as, monitores/as e profesionais do ámbito do fútbol 11 que traballen ou aspiren a traballar con xogadores/as das categorías infantil, cadete e xuvenil. Está especialmente orientada a aquelas persoas que desexan mellorar as súas competencias no deseño de sesións de adestramento, a xestión do rendemento dos/as xogadores/as e a planificación estratéxica en competición.

Tamén se recomenda para persoas graduadas ou estudantado en Ciencias da Actividade Física e do Deporte, técnicos/as deportivos e outros profesionais do ámbito do adestramento que busquen actualizar os seus coñecementos.

Saídas Profesionais

Unha vez realizada a formación o estudiantado estará capacitado para deseñar e executar sesións de adestramento eficaces en fútbol 11 para as categorías infantil, cadete e xuvenil. Será capaz de optimizar o rendemento dos/as xogadores/as, avaliar o seu desempeño en competición e aplicar estratexias de quentamento e recuperación. Ademais, utilizará tecnoloxías para a planificación e análise do rendemento, fomentando un ambiente de aprendizaxe positivo e colaborativo.

Idioma

100% castelán

Competencias Específicas

• Aplicar estratexias pedagóxicas e comunicativas eficaces para corrixir e guiar aos xogadores durante os adestramentos e a competición.
• Deseñar sesións de adestramento estruturadas.
• Planificar e executar quentamentos específicos.
• Elaborar e aplicar exercicios de adestramento efectivos.
• Avaliar o rendemento dos xogadores en competición.
• Xestionar a recuperación dos xogadores antes e despois dos partidos.

Competencias Transversais

• Capacidade de análise e toma de decisións.
• Habilidades de comunicación e liderado.
• Adaptabilidade e pensamento crítico.
• Uso eficiente das tecnoloxías.
• Traballo en equipo e colaboración.

Condicións de acceso

Ter entre 25 e 64 anos

Documentación requirida para o acceso: 

Documento de identificación

Criterios de selección

Orde de preinscrición

Metodoloxía

• Módulo 1: Cómo  corrixir aos xogadores no adestramento e na competición.
• Módulo 2: Cómo  acelerar o aprendizaxe dos xogadores.
• Módulo 3: Cómo  deseñar exercicios que funcionen.
• Módulo 4: Cómo  deseñar unha sesión de adestramento que faga mellorar aos xogadores.
• Módulo 5: Cómo  mellorar o rendemento dos xogadores no partido.
• Módulo 6: Cómo  avaliar o rendemento no partido. Como construir unha folla de avaliación.
• Módulo 7: Cómo  deseñar un quentamento de partido e adestramento que prepare ben aos xogadores.
• Módulo 8: Cómo  axudar aos xogadores a recuperarse antes dos partidos.

Materias

Profesorado

• Carlos Lago Peñas
• Ezequiel Rey Eiras
• Alexis Padrón Cabo
• Rubén Maneiro Dios

Avaliación

Titulación

Microcredencial “Metodoloxía de Adestramento e Dirección de Partido en Categoría Infantil, Cadete e Xuvenil”