Descrición

Esta formación nace para dar resposta á crecente demanda de profesionais capaces de crear, comunicar e xestionar experiencias vinculadas ao turismo do viño. Nun contexto no que os
visitantes buscan experiencias auténticas que integren viño, gastronomía, paisaxe, cultura e patrimonio, o sector precisa perfís especializados que combinen coñecementos en viticultura,
enoloxía e cultura do viño con competencias en atención ao cliente, marketing, hospitalidade e deseño de produtos turísticos. Galicia, grazas ao prestixio dos seus viños e á singularidade dos seus territorios vitivinícolas, presenta unha oportunidade extraordinaria para consolidarse como destino enoturístico de referencia.

Esta formación, desenvolvida conxuntamente pola Universidade de Vigo e Galicia Wine Academy, ofrece unha visión integral e práctica do enoturismo, combinando coñecementos
técnicos sobre o viño co estudo das mellores prácticas na creación e xestión de experiencias turísticas. O programa está dirixido a profesionais de adegas, restaurantes, hoteis, empresas de
actividades turísticas, organismos de promoción de destinos e emprendedores do sector, proporcionando as ferramentas necesarias para mellorar a competitividade das súas organizacións e contribuír ao desenvolvemento sostible dos territorios vitivinícolas.

 

 

 

Modalidade

 

Colaboradores

Galicia Wine Academy 

 

Horario

Luns e martes de cada semana, en horario de 16:00 a 19:00
(A sesión do 09/03/2027 terá unha duración reducida para completar un total de 52 horas síncronas de docencia.)

 

 

Prezos

Público en xeral	Alumni UVigo	Comunidade UVigo
564 €	90% tarifa xeral	85% tarifa xeral

Observacións aos prezos
As persoas en situación de desemprego ou discapacidade recoñecida poderán solicitar o prezo reducido da comunidade universitaria no momento da matrícula.

 

Obxectivos

A Microcredencial Universitaria en Enoturismo e Eventos Vitivinícolas: Deseño e Xestión de Experiencias do Viño, ten como obxectivo formar profesionais capaces de deseñar, xestionar e
comunicar experiencias enoturísticas de calidade, integrando coñecementos sobre o viño, a hospitalidade, o marketing e a atención ao visitante. De maneira específica, o programa pretende:

• Comprender os fundamentos da viticultura, a enoloxía e a cultura do viño.
• Coñecer os principais territorios vitivinícolas e o seu potencial turístico.
• Aplicar técnicas profesionais de cata, servizo e comunicación do viño.
• Deseñar eventos e experiencias enoturísticas adaptadas ás necesidades dos diferentes perfís de visitantes.
• Utilizar ferramentas de marketing, comunicación e storytelling para promocionar produtos, eventos e destinos enoturísticos.
• Contribuír á profesionalización do sector e á valorización dos territorios vitivinícolas.

 

Destinatarios/as

Profesionais de adegas, establecementos hostaleiros, restaurantes, xestión de eventos, hoteis, guías turísticos, empresas de turismo, axencias de viaxes, entidades de promoción turística e demais organizacións vinculadas ao sector vitivinícola e turístico.

Tamén está orientada a emprendedores, titulados universitarios, estudantes e persoas interesadas en desenvolver a súa actividade profesional no ámbito dos eventos vitivinícolas e o enoturismo.
Non se require formación universitaria previa nin coñecementos específicos sobre viño ou turismo para acceder ao programa, aínda que se recomenda interese polo sector e vinculación profesional ou persoal co turismo, a hostalaría, a gastronomía ou o viño.

 

Saídas Profesionais

Ao finalizar a microcredencial, o alumnado terá os coñecementos, habilidades e competencias necesarias para participar no deseño, xestión, promoción e comercialización de eventos vitivinícolas e experiencias enoturísticas. Será capaz de comunicar a cultura do viño a diferentes públicos, prestar un servizo profesional orientado ao visitante e contribuír á creación de produtos turísticos vinculados ao viño, a gastronomía e o territorio.
Esta formación facilitará o desenvolvemento profesional en adegas, empresas de enoturismo, hoteis, restaurantes, empresas de xestión de eventos, axencias de viaxes, entidades de promoción turística, empresas de actividades e lecer, así como en proxectos de emprendemento relacionados coa xestión de eventos e o turismo do viño.

 

Competencias Específicas

• Deseñar experiencias para os clientes.
• Xestionar actividades de agroturismo.
• Desenrolar produtos turísticos.
• Guiar a visitantes especiais.
• Organizar catas de viños.

 

Competencias Transversais

• Traballar en equipo.
• Comunicarse coa clientela.
• Orientarse á clientela.
• Procurar a innovación nas prácticas actuais.
• Planificar actividades.

 

Condicións de acceso

DOCUMENTACIÓN REQUIRIDA:

1) Documento de identificación

2) Curriculum vitae

 

Criterios de selección

• Experiencia profesional en adegas, hostalaría, turismo, restauración ou actividades vinculadas ao sector do viño: 40%
• Motivación e interese na aplicación dos coñecementos ao desenvolvemento profesional: 30%
• Formación previa relacionada co turismo, a hostalaría, a gastronomía, o marketing ou o viño: 20%
• Participación en proxectos, iniciativas ou actividades vinculadas ao enoturismo: 10%

 

Materias

id	nome	caracter	créditos
	Viticultura: a vide, o terroir, manexo do viñedo e vendima		0,35
	Enoloxía: procesos produtivos na adega e estilos produtivos		0,35
	Servizo do viño, conservación, deseño da carta de viño e construción de maridaxes		0,35
	Atención ao cliente		0,35
	Comunicación do viño		0,35
	Deseño de experiencias enoturísticas		0,35
	A técnica de cata. Galicia: DO’s e IXP’s		0,7
	España: viños e rexións		0,35
	Europa: viños e rexións		0,7
	Novo Mundo: viños e rexións		0,7
	Prácticas presenciais. Cata de viños.		0,45
	Proxecto final: deseño de experiencia enoturística en Galicia		1
	TOTAL		6

 

 

Profesorado

• Daniel Arenas Lago
• Andrés Mazaira Castro
• Nuno André Pinto de Sousa
• David Pascual Rodríguez
• Olga Verde Viéitez
• Pablo González Juncal
• Jorge Vila Fernández

 

Avaliación

A avaliación da microcredencial realizarase mediante a elaboración e presentación dun proxecto final individual, consistente no deseño dunha experiencia enoturística desenvolvida nun territorio vitivinícola de Galicia. O obxectivo será demostrar a capacidade do alumnado para integrar os coñecementos adquiridos ao longo do programa en relación co viño, o territorio, a atención ao visitante, a comunicación e a comercialización turística.

Para superar o programa será necesario obter unha cualificación mínima de 5 sobre 10 e acreditar a asistencia ao 80% das sesións do programa.

 

Titulación

Microcredencial en Enoturismo e eventos vitivinícolas: deseño e xestión de experiencias do viño