Infraestrutura de datos aplicados ao transporte

 

Descrición

Esta é unha das titulacións propias do Centro de Posgrao e Formación Permanente da UVigo, enmarcada dentro da convocatoria de Capacitación dixital para o eido do transporte, a loxística e a mobilidade que está 100% financiada polo Ministerio de Transportes, Mobilidade e Axenda Urbana no Plan de Recuperación Transformación e Resilencia e financiada polo Fondo Europeo de Recuperación – Next Generation EU.

Sen necesidade da ABAU ou de formación universitaria previa, estas formacións, impartidas en castelán, están abertas a toda a cidadanía europea ou con permiso de residencia no territorio español. Este título impartirase en Ourense na Escola Superior de Enxeñaría Informática de forma presencial, con opción a cursalos 100% virtual de forma síncrona, permitindo así acceder a calquera persoa independentemente da súa situación xeográfica.

Este curso permitirache mellorar a túa experiencia profesional no ámbito do Big Data e, en concreto, a analítica de datos e a xestión da información a gran escala. Ademais, poderás adquirir coñecementos avanzados en Analítica de Datos e Business Intelligence aplicados ao Big Data, o cal permitirache mellorar as túas capacidades de manexo e análises de grandes volumes de datos, mellorar no análise para a toma de decisións empresariais fundamentais, identificar patróns e tendencias no ámbito empresarial así coma extraer información dos datos da empresa para mellorar a eficiencia operativa e axudar a realizar a toma de decisións estratéxicas futuras.

Este curso permitirache familiarizarte coas ferramentas e tecnoloxías máis utilizadas no análise de datos, como Hadoop, Apache Spark e Bases de Datos non SQL, o cal proporcionarache habilidades técnicas moi demandadas no mercado laboral actual e nas distintas plataformas de obtención e procesado de datos traballando diferentes exemplos prácticos do sector de transporte e do ámbito industrial.

 

 

 

Modalidade

 

Horario

Mércores de 17:30h a 21:30h e Xoves de 17:30h a 21:30h

 

 

Prezos

Público en xeral	Alumni UVigo	Comunidade UVigo
0 €	0 €	0 €

Observacións aos prezos
Formación gratuita, 100% financiada polo Plan de Recuperación, Transformación e Resiliencia – Financiado pola Unión Europea – NextGenerationEU.

 

Obxectivos

• O curso de Infraestrutura de Datos Aplicados ao Transporte (IDAT) ten coma obxectivo formar aos estudantes con coñecementos sobre Big Data, Business Management e sobre Sistemas de Dixitalización.
• Aprender a traballar de forma eficiente co transporte de datos, minimizando riscos de perdida e garantindo a integridade e fiabilidade dos datos transportados.
• Coñecer as plataformas e tecnoloxías máis comúns relacionadas no ámbito de transporte de datos dixitais.
• Coñecer Big Data e saber aplicalo en casos prácticos e darlle un uso efectivo de cara ao traballo en empresas.
• Coñecementos avanzados sobre Business Intelligence e Business Analysis.
• Realizar toma de decisións dunha maneira máis acertada e saber que datos ter en conta ao realizar a toma de decisións.

 

Destinatarios

A natureza deste curso é formar aos estudantes para preparalos de cara ao traballo en equipo nunha empresa na que se organicen e traballen de forma conxunta cos diferentes membros do equipo no ámbito de Infraestrutura de Datos aplicados ao Transporte, por elo, este curso está principalmente destinado a calquera persoa interesada no ámbito do Transporte de Datos sen a necesidade de ter unha titulación universitaria. Non se precisa ter estudios previos de maneira que podan acceder a brindar os seus coñecementos e habilidades ao mundo laboral das empresas que utilizan os coñecementos impartidos neste curso e similares, para organizar o traballo e realizar un proxecto en equipo de forma eficaz empregando ferramentas de Infraestrutura de Datos.Se se posúen titulacións universitarias o aproveitamento desde curso é moito maior dado que desa forma podese conxugar os coñecementos propios dun campo específicio cos de análise e xestión de big data no presente curso.

 

Saídas Profesionais

Unha vez o alumno termine de forma correcta o curso, o alumno poderá:

•  Coñecer de forma correcta como están formadas as infraestruturas de datos nunha empresa e os seus puntos críticos.
•  Identificar métodos de transporte da información de maneira que asegure a súa integridade e seguridade.
•  Dixitalizar diferentes sistemas de información de forma adecuada.
•  Coñecer o Big Data e como está aplicado nos negocios empresariais.
•  Realizar análises de datos e de intelixencia empresariais.- Desenvolverse correctamente en NAP (Punto de Acceso Nacional de Información).

 

Idioma

Castelán

 

Competencias Específicas

• Coñecer as estratexias Infraestrutura da Información e a súa aplicación nas empresas.
• Traballar en equipo no ámbito da Infraestrutura da Información, proporcionando axuda ao equipo mediante unha estratexia adecuada.
• Aplicar os coñecementos sobre Infraestrutura da Información.Coñecer e promocionar o Big Data.
• Coñecer e utilizar NAP.Coñecer sobre Data Sharing.
• Coñecer e aplicar Business Intelligence.
• Coñecer e aplicar Business Analytics.

 

Competencias Transversais

• Capacidade de aplicar os coñecementos teóricos na práctica.
• Capacidade de traballo en equipo.
• Capacidade de organización e planificación en base a información obtida.
• Capacidade de entender a linguaxe e propostas doutros especialistas.

 

Condicións de acceso

Os participantes das accións formativas subvencionadas deberán ser cidadáns dun Estado membro da Unión Europea ou doutro Estado parte no Acordo sobre o Espazo Económico Europeo e de Suíza, así como os seus familiares recollidos no artigo 2 e 2 bis do Real Decreto 240/2007, do 16 de febreiro, ou ter autorización para permanecer ou residir en territorio español.

 

Criterios de selección

Criterios de admisión:

1.  Adecuación da súa actividade previa ou formación previa aos obxe tivos do curso: 30%
2.  Adecuación de formación ao seu desenvolvemento profesional presente e futuro: 30%
3.  Entrevista personal e cuestionario: 40%

Documentación requirida:

1.  Cubrir formulario de admisión sobre criterios de actividade profesional
2.  Cubrir formulario de admisión sobre criterios de formación
3.  DNI
4.  Título ou certificado de estudos
5.  Currículum vítae

 

Materias

id	nome	caracter	créditos
200362	Infraestructura de Datos Aplicados al Transporte	Obligatoria	15.0

 

Avaliación

A avaliación deste curso consta de probas e exercicios de avaliación continua que se irán facendo de forma continua durante o curso tendo en conta a asistencia a docencia e o correcto visionado dos contidos presentes na plataforma. Contase cun exame final de recuperación para aos alumnos que o necesiten. No caso de non aprobar o curso, realizarase unha proba de recuperación, a nota da cal, substituirá a nota media das anteriores. A proba de recuperación realizarase só no caso de non haber superado o curso coas primeiras probas. Nela, avaliarase todo o curso

 

Titulación

Diploma de curso de formación universitaria en Infraestrutura de Datos Aplicados ao Transporte