Creación de infografías e deseños vectoriais (CIXUG)

 

Descrición

A creación visual de composicións gráficas está ao orde do día. Sobre todo nestes tempos, onde a comunicación visual é esencial para achegar información en todo ámbito, dende a educación ou a información, ata a publicidade ou a presentación comercial. A infografía é outra forma de representación visual informativa na que se combinan diagramas visuais xunto con texto para resumir ou explicar figurativamente ideas e conceptos. Para esta transmisión de información empréganse diversos tipos de gráficos e signos non lingüísticos e lingüísticos (pictogramas, ideogramas e logogramas) formando descricións, secuencias expositivas ou narrativas e mesmo interpretativas. Coa intención ante todo didáctica, a infografía naceu como un medio de transmitir información gráfica de forma máis dinámica, viva e imaxinativa. A infografía aplícase principalmente en revistas, documentos, xornais, folletos, páxinas da internet, educación, libros, etc.

O propósito é que os gráficos chamen a atención de quen os visualiza polas cores, imaxes ou deseños. Como o seu impacto visual é moi elevado, provoca viralidad na publicación e incrementa en forma exponencial o alcance da mesma. Para a elaboración destas tarefas, traballarase principalmente coa aplicación de deseño Inkscape. Esta ferramenta é un editor de gráficos vectoriais potente, cómoda e de código aberto, especialmente compatible cos estándares que se usan en Internet. Con este curso perséguese que os participantes adquiran as nocións e habilidades necesarias para a creación de elaboradas infografías coas amplas posibilidades que ofrece o mundo vectorial de Inkscape, e por suposto, coa propia imaxinación do creador.

Ademais de aprender a usar este programa de edición, tamén se tratarán certos aspectos concretos sobre deseño gráfico. Evidentemente non só se aprenderán a facer infografías, senón moitas outras composicións gráficas máis básicas, como sombras, gradientes, logotipos, sinais, etc, que logo completarán e formarán parte das propias infografías finais. Tamén se abordarán outros aspectos interesantes como a busca e obtención de imaxes (fontes de uso legal de imaxes para as nosas composicións), diferenciar entre imaxes de mapas de bits e vectoriais, cando usar unhas ou outras, como integralas nunha mesma composición, e incluso como transformar unhas imaxes dun tipo noutro.

 

 

 

Modalidade

 

Horario

• 13/05, martes, de 17:15h a 18:15h
• 20/05, martes, de 16:00h a 17:00h
• 27/05, martes, de 17:15h a 18:15h
• 03/06, martes, de 16:00h a 17:00h

 

 

Obxectivos

O obxectivo deste curso é crear infografías e deseños vectoriais utilizando as prestacións que proporciona a ferramenta Inkscape.

 

Destinatarios

PDI da UVigo

 

Competencias Específicas

Coñecer os principais sistemas e modelos que fundamentan os sistemas dixitais de creación de gráficos dixitais.

Coñecer, obter e capacitar no uso de ferramentas dixitais para a creación de imaxes vectoriais.

Coñecer en detalle as contornas de traballo da edición vectorial, así como as súas ferramentas e as opcións.

Localizar e obter imaxes de forma ética e legal para complementar as nosas composicións gráficas.

Distinguir entre diferentes tipos de imaxes e saber o seu uso máis adecuado.

Crear ou modificar calquera tipo de composición visual, para combinala en calquera proxecto.

Ter presentes os conceptos básicos da cor, composición e escena, para a creación de infografías e composicións complexas.

Mellorar a calidade de calquera traballo dixital (presentacións, memorias, páxinas web…)

 

Condicións de acceso

Ser PDI da Uvigo

Prerrequisitos:

Habilidades ofimáticas básicas: uso básico de procesadores de texto ou follas de cálculo, xestión de ficheiros (copiar, mover, borrar, …) e interacción básica con calquera sistema operativo.

 

Criterios de selección

Orde de preinscrición

 

Metodoloxía

 

Profesorado

 

Avaliación

Avaliación continua, mediante realización de exercicios, consultas nos foros etc…Posibilidade dunha proba final.