Introdución ao uso de intelixencia artificial xenerativa na docencia e investigación universitaria

Introdución ao uso de intelixencia artificial xenerativa na docencia e investigación universitaria

Programas de formación permanente do profesorado

Ámbito: InterdisciplinarCódigo: TCS:1164/1
Área de interese principal: Transversal | Área de interese secundaria: Transversal

Inicio e fin

06/03/2025 – 06/04/2025

Modalidade

Asíncrona (en liña)

Créditos ECTS

0.0 ECTS

Estado

Finalizado

30 prazas

 

Descrición

Este curso introduce ás persoas participantes na intelixencia artificial (IA) xerativa e os chatbots aplicados á docencia e investigación universitaria. Analizaranse as posibilidades das IA para ofrecer apoio e interactuar con estudantes, mellorando a docencia e a investigación. Abordarase a teoría e práctica da IA na educación, presentando casos de estudo e exemplos exitosos. As persoas participantes aprenderán a seleccionar e utilizar ferramentas de IA axeitadas e a deseñar solucións personalizadas para as súas áreas de traballo. Fomentarase a colaboración entre as persoas participantes e organizaranse obradoiros prácticos para experimentar con ferramentas de IA. O curso proporcionará unha visión práctica de como integrar a intelixencia artificial xerativa e os chatbots no traballo académico cotián.

 

Director/a:

Área de Formación e Innovación Educativa

Teléfono contacto:

986812035

Email contacto:

cpfp.innovacion@uvigo.gal

Entidade organizadora:

Centro de Posgrado y Formación Permanente

PERÍODO DE INSCRICIÓN
Inscrición pechada
07/02/2025 – 27/02/2025

PERÍODO DE MATRÍCULA
Matrícula pechada
07/02/2025 – 28/02/2025

Matrícula pechada

 

 

Modalidade

Docencia presencial/virtual

0 horas

Docencia non presencial

20 horas

Prácticas en empresa

0 horas

Lugar de impartición
A través de Moovi.

 

Horario

Desenvolverase do 6 de marzo ao 6 de abril en modalidade virtual asíncrona.
Haberá sesións de titorías de carácter voluntario. Estas desenvolveranse de xeito virtual síncrono os xoves de 10 a 11 horas.

 

 

Obxectivos

  • Describir os principais chatbots abertos en internet.
  • Empregar aplicacións derivadas dos chatbots ou modelos grandes de linguaxe con finalidades docentes.
  • Uso de peticións (prompt engineering) aplicadas ao ámbito docente e investigador.
  • Empregar ferramentas que asistan á investigación na revisión sistemática da literatura e na redacción científica.

 

Destinatarios

Esta actividade está destinada ao profesorado da Universidade de Vigo. Terá preferencia o profesorado que estea no POD deste ano académico. Se quedan prazas dispoñibles poderán participar outros perfís da Universidade de Vigo, baixo o criterio da Área de Formación e Innovación Educativa.

 

Idioma

Galego.

 

Criterios de selección

Por orde de preinscrición, considerando o persoal destinatario ao que vai dirixida a formación.

 

Metodoloxía

1. Presentación das IA xerativas. Os principais chatbots no mercado. OpenAI, Google, Anthropic, Meta e outras alternativas.

2. Uso de IA na docencia:
   – Ferramentas de xeración de contidos docentes: presentacións de diapositivas, vídeo e imaxe.
   – Uso de chatbots e optimización das peticións (prompts) con fins educativos.
   – Estratexias e ferramentas para integrar o uso de IA xenerativas na aula.
   – Riscos e limitacións das IA xenerativas. Unha ollada crítica dende a docencia.

3. Uso de IA na investigación:
  – Asistencia na visualización de papers e a súa interconexión.
  – Asistencia na revisión sistemática da literatura.
  – Asistencia na redacción académica.
  – Asistencia na corrección estilística académica.
  – Riscos e limitacións das IA xenerativas. Unha ollada crítica dende a investigación.

 

Profesorado

Luis Xabier Martínez Rolán

É Profesor Titular de Universidade do Departamento de Comunicación Audiovisual e Publicidade. Imparte docencia nos graos de Publicidade e Relacións Públicas e Comunicación Audiovisual vinculada ao desenvolvemento de web e apps, e centra a súa investigación na comunicación dixital.
É relator e formador da Xunta de Galicia (Consellería de Educación), Universidade de Vigo e Universidade da Coruña con máis de cen horas de docencia sobre IA xenerativas. Tamén coordina o Grupo de Innovación Docente “Academ-IA: intelixencias artificiais en educación”.

 

Avaliación

Para superar o curso é imprescindible superar un 80 % da puntuación total, que se divide en dúas partes.
Parte teórica:
– Cuestionario final de 10 preguntas, onde cada pregunta teña catro respostas e unha soa sexa a correcta. Ten un valor do 20 % da nota total.
Parte práctica:
– Actividade docente: elaborar unha proposta de integración na aula do uso de chatbots nunha das materias do/a docente. Debe incluír un prompt orixinal (e resultado esperado) e o deseño dunha práctica de aula que inclúa o uso dalgunha das ferramentas vistas ao longo do curso. Ten un valor do 40 % da nota total.
– Actividade investigadora: Proposta de integración de algunha/s dasa ferramentas de IAs académicas nunha proposta de investigación ou proxecto levado a cabo polo/a docente. Ten un valor do 40 % da nota total.
Para superar a parte práctica é preciso obter o 80 % da puntuación máxima.

 

Titulación

A superación desta actividade formativa será acreditada pola Vicerreitoría de Titulacións e Innovación Docente da Universidade de Vigo nun prazo de 21 días desde a súa finalización.