Introdución á fotónica cuántica

O título busca a capacitación en tecnoloxías cuánticas fotónicas baseadas en operacións con fotóns individuais. A formación é maiormente práctica, co fin de preparar aos participantes para a súa incorporación á crecente oferta de postos cualificados en plantas de deseño e produción de chips fotónicos.

Esta formación está especialmente dirixida a estudantes e titulados universitarios no ámbito da
tecnoloxía, principalmente Física e Enxeñerías, como Telecomunicación, Electrónica, Mecánica,… ou outros profesionais con experiencia laboral no ámbito da formación.

Os campos específicos aos que os estudantes poden acceder profesionalmente tras finalizar o curso
son cada vez máis amplos dado o carácter interdisciplinario e a crecente importancia da fotónica, que, como xa se indicou, foi seleccionada como una das cinco KET pola Unión Europea, e máis en particular da fotónica integrada.

• CE1 Capacidade de comprensión das disciplinas involucradas na fotónica
• CE2 Entender o proceso de deseño e proba de dispositivos fotónicos tanto activos como pasivos
• CE3 Entender o proceso de deseño e proba de compoñentes electrónicos pasivos de alta velocidade
• CE4 Manexo de ferramentas para o deseño de circuítos integrados fotónicos
• CE5 Coñecer os principios de fabricación de PICs en sala limpa
• CE6 Entender e manexar ferramentas para o empaquetado de PICs en módulos
• CE7 Capacidade para simular e probar circuítos fotónicos con aplicacións cuánticas

• CT1 Capacidade para xestionar proxectos tecnolóxicos
• CT2 Coñecementos de xestión de activos da propiedade intelectual e industrial

A Dirección do título poderá realizar entrevistas persoais de consideralo oportuno para unha
mellor comprensión dos méritos alegados, e poderá establecer novos criterios compatibles cos anteriores para concretar a aplicación dos principios e criterios enunciados. Nese caso, a puntuación será:

Currículo: 60%
Carta de motivación: 20%
Entrevista persoal: 20%

Para a avaliación do alumnado terase en conta o seguinte:

Asistencia ás clases
Probas e exercicios de avaliación continua que se irán facendo durante o curso
Avaliación dos informes de prácticas establecidos

Título na microcredencial “Introdución á fotónica cuántica”

Este programa formativo está financiado polo Ministerio de Asuntos Económicos e Transformación
Dixital a través da Secretaría de Estado de Telecomunicacións e Infraestruturas Dixitais a través da convocatoria de axudas destinada a financiar, con fondos do Mecanismo Europeo de Recuperación e Resiliencia, a creación de Cátedras Universidade-Empresa no período 2023-2027 cuxa actividade está centrada na investigación, difusión e formación en distintas áreas de aplicación da microelectrónica.

O programa sitúase no ámbito do Proxecto Estratéxico para a Recuperación e Transformación
Económica (PERTE) denominado “PERTE Chip” que constitúe una iniciativa estratéxica dirixida a
desenvolver as capacidades científica, de deseño e produción da industria española da
microelectrónica e os semicondutores buscando xerar un efecto multiplicador nos sectores
tecnolóxicos e no conxunto da economía do pais.

As bases desta convocatoria poden consultarse aquí:
https://portalayudas.mineco.gob.es/catedras-chip/Paginas/Index.aspx

A distribución da docencia será da seguinte maneira:
Horas síncronas presenciais: 32 horas.
Horas síncronas virtuais: 4 horas.