Programas de formación permanente do profesorado
Ámbito: InterdisciplinarCódigo: TCS:1263/1
Área de interese principal: Transversal | Área de interese secundaria: Transversal
Inicio e fin
21/01/2026 – 23/01/2026
Modalidade
Presencial
Créditos ECTS
0.0 ECTS
Estado
Finalizado
Descrición
Este curso ofrece unha introdución guiada e de ritmo intensivo ao funcionamento de MooVi, a plataforma de docencia virtual da Universidade de Vigo. Ao longo das sesións prácticas, o profesorado traballará directamente sobre unha contorna de proba para familiarizarse coa estrutura dun curso en liña e coas ferramentas dispoñibles para organizar contidos, propoñer actividades e xestionar a interacción co estudantado. A formación está deseñada para que as persoas participantes poidan aplicar o aprendido de forma inmediata nas súas propias materias.
Director/a:
Antonio Fernández Álvarez
Email contacto:
antfdez@uvigo.gal
Entidade organizadora:
Centro de Posgrado y Formación Permanente
PERÍODO DE INSCRICIÓN
Inscrición pechada
12/01/2026 – 19/01/2026
PERÍODO DE MATRÍCULA
Matrícula pechada
13/01/2026 – 20/01/2026
Modalidade
Docencia presencial/virtual
8 horas
Docencia non presencial
0 horas
Prácticas en empresa
0 horas
Lugar de impartición
Aula AI-2. Escola de Enxeñería Industrial, sede cidade
Horario
21 e 23, mércores e venres de 15:30 – 19:30
Obxectivos
Esta actividade formativa ten como finalidade fortalecer as competencias dixitais do persoal docente da Universidade de Vigo. Ao longo do curso, as persoas participantes aprenderán a crear e organizar recursos educativos dixitais e a deseñar actividades de aprendizaxe en liña dentro da plataforma MooVi. Así mesmo, desenvolverán as habilidades necesarias para configurar e utilizar de maneira eficaz as ferramentas de comunicación e o sistema de cualificación.
Destinatarios
Esta actividade está destinada ao profesorado da Universidade de Vigo. Terá preferencia o profesorado que estea no POD deste ano académico.
Unha porcentaxe das prazas desta primeira edición estarán reservadas para os integrantes do Grupo de Innovación Docente (Virtualia) que impartirá a docencia.
Se quedan prazas dispoñibles poderán participar outros perfís da Universidade de Vigo, baixo o criterio da Área de Formación e Innovación Educativa.
Condicións de acceso
Profesorado da Universidade de Vigo.
Criterios de selección
Terá preferencia o profesorado que estea no POD deste curso académico.
Orde de inscrición.
Se quedan prazas dispoñibles poderán participar outros perfís da Universidade de Vigo, baixo o criterio da Área de Formación e Innovación Educativa.
Avaliación
Para superar o curso será necesario asistir ao 80% das sesións presenciais.