Fabricación de elementos para a construción industrializada
Este curso forma parte do bloque optativo do programa de “Experto Universitario en
Construción Industrializada”, que consta de cinco accións formativas diferentes pero
relacionadas que se poden realizar de forma independente (tres delas optativas, elixíndose unha
delas en función da cualificación orixinal) ou conxuntamente, e ten como obxectivo ofrecer unha
resposta formativa estruturada e orientada ao exercicio profesional, facilitando a adquisición de coñecementos e habilidades técnicas para desempeñar funcións clave na nova cadea de valor da
construción, segundo os criterios que se expoñen neste documento.
O curso capacita para comprender e aplicar procesos e estratexias de fabricación industrializada de elementos para a construción, incluíndo tipoloxías 2D, 3D e híbridas, organización da produción en planta, control de calidade, integración BIM‐CAD‐CAM, loxística JIT, automatización e sostibilidade. Destaca a precisión, eficiencia e seguridade que achega a
produción en planta, e o rol estratéxico do fabricante na cadea de valor.
*Esta microcredencial enmárcase dentro do “Plan de desenvolvemento de microcredenciais universitarias” e contará cunha financiación do 70% para idades entre 25 e 64 anos. Subvención recibida da Xunta de Galicia segundo o convenio de colaboración asinado o pasado 2 de maio entre a Consellería de Educación, Ciencia, Universidades e Formación profesional e as universidades galegas. Fondos do Ministerio de Ciencia, Innovación e Universidades. Plan de Recuperación, Transformación e Resiliencia – Financiado pola Unión Europea – NextGenerationEU
Primarios: Capacitar no deseño e fabricación de elementos prefabricados para construción
industrializada. Implantar sistemas de produción en planta, control de calidade, integración BIM e loxística.
Secundarios: Aplicar criterios de sostibilidade e seguridade en planta. Analizar casos reais e boas prácticas.
Profesionais titulados: enxeñeiros/as, arquitectos/as e técnicos/as relacionados coa construción,
interesados en adquirir competencias na fabricación de compoñentes para a construción
industrializada.
Deseño e fabricación de elementos prefabricados, xestión de produción en planta, control de
calidade, integración BIM‐CAD‐CAM e loxística JIT.
- CE1 Deseñar e fabricar elementos prefabricados.
- CE2 Organizar procesos de produción en planta.
- CE3 Implantar control de calidade e trazabilidade.
- CE4 Integrar BIM‐CAD‐CAM na fabricación.
- CE5 Aplicar criterios de sostibilidade e PRL.
- CT1 Capacidade de traballo en equipo multidisciplinar.
- CT2 Comunicación técnica efectiva oral e escrita.
- CT3 Resolución de problemas complexos en contextos industriais.
- CT4 Adaptación tecnolóxica continua.
- CT5 Ética profesional e responsabilidade social.
No caso que existan máis solicitudes que prazas, teñen preferencia para matricularse os titulados en Arquitectura e Enxeñaría.
| ID | Nome | Carácter | Créditos |
|---|---|---|---|
| 200779 | Introducción a la construcción industrializada. | Obligatoria | 0.63 |
| 200780 | Tipos de elementos prefabricados. | Obligatoria | 0.63 |
| 200781 | Procesos de producción en planta | Obligatoria | 0.62 |
| 200782 | Gestión de la calidad en la fabricación | Obligatoria | 0.62 |
| 200783 | Fabricación con modelos BIM. | Obligatoria | 0.62 |
| 200784 | Logística y preparación | Obligatoria | 0.62 |
| 200785 | Automatización y digitalización | Obligatoria | 0.63 |
| 200786 | Sostenibilidad y seguridad en planta. | Obligatoria | 0.63 |
Métodos de avaliación:
Traballos prácticos: 80%.
Participación activa nas sesións: 20%.
A avaliación se fará a partires da corrección das entregas demandadas
Microcredencial en Fabricación de elementos para a construción industrializada
Este curso forma parte do bloque optativo do programa de Experto en Construción Industrializada,
orientado á formación profesionalizante.
Horas de teoría síncrona: 29.8 horas
Horas de práctica síncrona: 10.2 horas