ESTUDOS / Títulos propios

Introdución á Mobilidade Transfronteiriza Galicia–Norte de Portugal

Introdución á Mobilidade Transfronteiriza Galicia–Norte de Portugal
Microcredencial
Ámbito: Dereito e especialidades xurídicas
Área de interés principal: Xurídico Social
Área secundaria de interés: Transversal
Código: 1340/1
Inicio e fin
Calendar 11/12/2026 - 29/01/2027
Modalidade
Modalidade Virtual síncrona
Créditos ECTS
ECTS 2
Prazas
25
Preinscrición aberta
16/11/2026 - 30/11/2026
Matrícula
02/12/2026 - 09/12/2026
Descrición

Esta microcredencial ofrece unha formación introdutoria e aplicada sobre o marco xurídico, económico e social que regula o traballo transfronteirizo entre Galicia e o Norte de Portugal.

O programa aborda os conceptos clave da mobilidade laboral transfronteiriza, os dereitos e obrigas básicas das persoas traballadoras, así como os procedementos administrativos e as condicións de residencia, contratación e mobilidade profesional. Así mesmo, da a coñecer os principais organismos, servizos e programas de apoio á mobilidade laboral, con especial atención á Rede EURES e aos servizos públicos de emprego, proporcionando ferramentas para o acceso a información fiable e actualizada.

A través da análise de casos prácticos sinxelos, o alumnado poderá identificar riscos e oportunidades asociados á mobilidade laboral transfronteiriza e adquirir competencias básicas para asesorarse ou orientar a outras persoas neste ámbito.

Coordinador/a: Mª Reyes Fernández González
Teléfono de contacto: 986130304
Email de contacto: insercionlaboral@uvigo.gal
Email administración: cpfp@uvigo.gal
Entidade organizadora: Centro de Posgrao e Formación Permanente Entidades colaboradoras:

EURES Transfronterizo Galicia-Norte de Portugal

Modalidade
Docencia presencial
Check
0 h
Docencia virtual síncrona
Check
20 h
Docencia virtual asíncrona
Check
0 h
Prácticas en empresa
Check
0 h
Lugar de impartición
Plataforma Moovi
Horario

11, 18 de decembro e 15, 22 e 29 xaneiro de 16 a 19 horas.

Prezo
Prezo xeral
15,00 €
Alumni Uvigo
13,50 €
Comunidade Uvigo
12,75 €
Persoas desempregadas
12,75 €
Personas discapacitadas
12,75 €
Colectivos EURES*
0,00 €
Observacións aos prezos

*15 axudas

As persoas usuarias dalgunha das entidades socias do EURES Transfronteirizo Galicia-Norte de Portugal que amosen interese na mobilidade transfronteiriza; traballadores/as dalgunha das entidades socias do EURES Transfronteirizo Galicia–Norte de Portugal; persoas que traballen nun dos organismos públicos que reciben consultas das persoas que son ou teñen interese en ser traballadores/as transfronteirizos (Seguridade Social, Facenda, Servizos de Emprego, etc.) e persoal de departamentos de RRHH de empresas situadas en Galicia ou Norte de Portugal con interese en contratar traballadores/as transfronteirizos/as, poderán ter acceso a unha das 15 axudas para sufragar os custes desta microcredencial.

Obxectivo xeral: Proporcionar ao alumnado os coñecementos e as ferramentas básicas para comprender e xestionar os aspectos legais, económicos, administrativos e sociais da mobilidade laboral transfronteiriza entre Galicia e o norte de Portugal, facilitando o acceso a información fiable e a utilización das oportunidades de emprego na área transfronteiriza.
Obxectivos específicos:

  1. Comprender os conceptos fundamentais e o marco normativo básico da mobilidade laboral transfronteiriza entre España e Portugal.
  2. Identificar os principais dereitos e obrigas dos traballadores transfronteirizos en materia de contratación, condicións de traballo, Seguridade Social, tributación e residencia.
  3. Recoñecer os procedementos administrativos e os requisitos básicos asociados ao acceso ao emprego, á contratación e á mobilidade profesional entre ambos os territorios.
  4. Familiarizarse coas principais organizacións, servizos e programas de apoio á mobilidade laboral, con especial atención á rede EURES e aos servizos públicos de emprego de España e Portugal.
  5. Localizar e utilizar fontes de información fiables e actualizadas sobre ofertas de emprego, normativa laboral, procedementos administrativos e recursos de orientación profesional.
  6. Analizar estudos de casos sinxelos para identificar oportunidades, dificultades e riscos asociados ao traballo transfronteirizo.
  7. Desenvolver habilidades básicas para guiar a outras persoas na procura de información e na identificación de recursos de asesoramento sobre mobilidade laboral transfronteiriza.
  8. Promover unha abordaxe informada e proactiva das oportunidades de emprego e desenvolvemento profesional que ofrece a área de cooperación Galicia-Norte de Portugal.

  • Vai dirixido fundamentalmente a graduados e graduadas sociais, así como profesionais da rama xurídico-social.
  • Persoas usuarias dalgunha das entidades socias do EURES Transfronteirizo Galicia-Norte de Portugal que amosen interese na mobilidade transfronteiriza.
  • Persoas traballadoras dunha das entidades socias do EURES Transfronteirizo Galicia–Norte de Portugal.
  • Persoas traballadoras dun dos organismos públicos que reciben consultas das persoas que son ou teñen interese en ser traballadores/as transfronteirizos (Seguridade Social, Facenda, Servizos de Emprego, etc.)
  • Persoal de departamentos de RRHH de empresas situadas en Galicia ou Norte de Portugal con interese en contratar traballadores/as transfronteirizos/as

Galego e castelán

  • Orientación e información laboral: apoio básico na procura de emprego e identificación de recursos para a mobilidade laboral entre España e Portugal.
  • Servizos de emprego públicos e privados: colaboración na prestación de información, apoio e orientación ás persoas que buscan emprego.
  • Entidades de cooperación transfronteiriza: apoio a iniciativas, proxectos e programas de mobilidade laboral na Eurorrexión Galicia-Norte de Portugal.
  • Asociacións, sindicatos e organizacións empresariais: apoio informativo sobre recursos, dereitos laborais básicos e oportunidades de emprego transfronteirizo.

  • CE1 -Definir o concepto de traballo transfronteirizo, comprendendo as súas características específicas e as principais implicacións legais e administrativas no contexto da Eurorrexión Galicia–Norte de Portugal. ESCO: informar sobre a normativa vixente; interpretar normas de emprego internacionais.
  • CE2 – Identificar os dereitos e obrigas básicas das persoas traballadoras transfronteirizas, en relación coa residencia, a contratación laboral, a seguridade social e a mobilidade profesional. ESCO: exercer dereitos e responsabilidades; explicar os dereitos das persoas traballadoras transfronteirizas.
    CE3- Recoñecer os principais organismos, servizos e programas de apoio á mobilidade laboral transfronteiriza, valorando especialmente o papel da Rede EURES e dos servizos públicos de emprego. ESCO: facilitar o acceso ao mercado de traballo; coñecer os recursos e programas da Rede EURES para a mobilidade transfronteiriza.
    CE4- Analizar casos prácticos sinxelos de mobilidade laboral entre Galicia e o Norte de Portugal, identificando riscos potenciais, beneficios e elementos clave para a toma de decisións informadas. ESCO: identificar oportunidades; analizar situacións laborais; avaliar opcións profesionais internacionais.
    CE5- Empregar fontes oficiais de información e recursos institucionais para asesorarse ou asesorar sobre mobilidade laboral transfronteiriza de maneira básica e fundamentada. ESCO: utilizar fontes de información sobre emprego e mobilidade laboral.

  • CT2 -Xestión da información: localizar, seleccionar e utilizar fontes oficiais e fiables para responder a preguntas sobre emprego e mobilidade laboral.
  • CT3 Resolución de problemas e toma de decisións: analizar situacións prácticas, identificar riscos e oportunidades e avaliar alternativas profesionais nun contexto transfronteirizo.
  • CT4 -Competencia intercultural e adaptación ao medio: comprender as características sociais, laborais e administrativas de Galicia e do norte de Portugal, o que facilita a adaptación a contextos profesionais internacionais.
    CT5-Orientación e apoio ás persoas: desenvolver habilidades básicas para acompañar e orientar a outras persoas na súa procura de información e recursos relacionados coa mobilidade laboral transfronteiriza.

Documentación requirida:
– Documento de identificación
– Copia do título universitario
– Outros: copia do título de FP, bacharelato ou universidade; documentación que acredite que traballa nunha entidade socia do EURES-T Galicia-Norte de Portugal ou nun organismo público como SS, Facenda… ou de ser usuario dunha delas. Para persoal de RRHH, documentación que acredite que a súa empresa recibe candidaturas de ambas partes da fronteira.

Usuarios/as entidades socias do EURES-T, traballadores/as entidades socias do EURES-T, traballadores/as de organismos públicos como SS, Facenda.. e persoal de departamentos de RRHH de empresas situadas en Galicia ou Norte de Portugal, por orde de inscrición: 75%

Público en xeral, por orde de inscrición:25%

– Introdución ao traballo transfronteirizo Galicia–Norte de Portugal.
– Fiscalidade e convenios bilaterais: aspectos básicos
– Seguridade Social e pensións: aspectos básicos
– Sanidade e protección social: aspectos básicos
– Mercado de traballo e busca de emprego na eurorrexión: aspectos básicos

A avaliación consistirá na resolución de casos prácticos e nunha proba tipo test que se entregarán ou realizarán a través de Moovi.

Microcredencial “Introdución á Mobilidade Transfronteiriza Galicia–Norte de Portugal”

Celso Cancela Outeda
Elisa González Pérez

  • usuarios dalgunha das entidades sociais do EURES Transfronteirizo Galicia Norte de Portugal que amosen interese na mobilidade transfronteiriza.
  • traballadores/as dalgunha das entidades socias do EURES Transfronteirizo Galicia–Norte de Portugal.
  • persoas que traballen nun dos organismos públicos que reciben consultas das persoas que son ou teñen interese en ser traballadores/as transfronteirizos (Seguridade Social, Facenda, Servizos de Emprego, etc.).
  • persoal de departamentos de RRHH de empresas situadas en Galicia ou Norte de Portugal con interese en contratar traballadores/as transfronteirizos/as.