Utilización da IA nos servizos sociais das administracións e das entidades sociais

Obxectivo principal:
Capacitar ao persoal público e do terceiro sector da provincia de Ourense no uso práctico da
Intelixencia Artificial, transformando a teoría tecnolóxica en solucións operativas para o seu
día a día.

Obxectivos específicos:
Capacitación Tecnolóxica: Dotar aos asistentes dunha base sólida sobre que é a IA Xerativa,
os seus tipos e as súas limitacións, eliminando a barreira do descoñecemento técnico.
Eficiencia Administrativa: Reducir a carga burocrática mediante a automatización de fluxos
de traballo (L3) e a optimización de tarefas repetitivas, como a xestión de datos en Excel (L2).
Mellora da Intervención Social: Facilitar a elaboración de informes e a transcrición de
entrevistas (L4), permitindo que os profesionais de benestar social dediquen máis tempo á
atención directa e menos á xestión documental.
Xestión do Coñecemento: Implementar métodos avanzados de busca e análise de
documentación técnica (L1) para garantir que as respostas administrativas sexan precisas e
estean fundamentadas en fontes oficiais.
Adaptación á Contorna Local: Contextualizar as ferramentas de IA nas necesidades reais da
Deputación de Ourense e os Concellos, asegurando que a formación sexa directamente aplicable desde o primeiro día.

Empregados públicos do Área de Benestar da Deputación de Ourense.
Empregados públicos dos servizos sociais dos concellos e mancomunidades da provincia de
Ourense.
Empregados públicos de outros servizos da Deputación de Ourense.
Empregados públicos de outros servizos dos concellos e mancomunidades da provincia de Ourense.
Empregados de entidades sociais do terceiro sector en contacto coa DO.

Na Administración Pública (Deputación e Concellos)
Xestor de proxectos de transformación dixital: Liderar a implementación de ferramentas de
IA en departamentos de Benestar ou servizos centrais.
Especialista en automatización administrativa: Responsable de deseñar fluxos de traballo
que eliminen tarefas burocráticas repetitivas mediante ferramentas como Make ou n8n.
Analista de datos sociais: Profesional capaz de cruzar e analizar grandes volumes de
documentación técnica e bases de datos para mellorar o deseño de políticas públicas.
Responsable de apoio documental intelixente: Especialista en xestionar bases de coñecemento e arquivos dixitais con asistencia de IA.
No Terceiro Sector e Entidades Sociais
Técnico de innovación en entidades sociais: Coordinador da adopción de tecnoloxías emerxentes para optimizar a atención a colectivos vulnerables.
Consultor en eficiencia operativa para ONGs: Asesorar a organizacións do terceiro sector
sobre como usar a IA para a redacción de proxectos, memorias e informes de impacto.
Xestor de comunicación e eventos asistido por IA: Perfil encargado de organizar actividades e xerar contidos multimedia de xeito rápido e profesional.
Ámbito Transversal e Consultoría
Formador en competencias dixitais e IA: Formador para outros compañeiros ou departamentos sobre o uso ético e práctico dos modelos de linguaxe.
Auditor de calidade en informes sociais: Supervisión do uso da IA na transcrición e elaboración de documentos oficiais para garantir a súa precisión e ética.

• CE1 Xestionar datos e información dixital: Organizar e almacenar datos de usuarios de servizos sociais de forma estruturada para o seu procesamento mediante ferramentas de IA.
• CE2 Utilizar ferramentas de análise de datos de intelixencia artificial: Aplicar algoritmos e
  modelos de linguaxe (LLMs) para extraer patróns, resumir informes técnicos e axilizar a toma de decisións.
• CE3 Garantir a protección de datos persoais: Aplicar a normativa (RGPD) ao utilizar
  ferramentas de IA, asegurando que a información sensible da cidadanía estea anonimizada e protexida.
• CE4 Redactar informes técnicos administrativos: Elaborar documentación oficial, como
  informes de intervención social, apoiándose en ferramentas de xeración de texto e transcrición automática.
• CE5 Automatizar procesos administrativos: Configurar fluxos de traballo dixitais para reducir
  tarefas repetitivas na xestión de expedientes e servizos públicos.

• CT1 Pensamento crítico: Avaliar de forma obxectiva os resultados xerados pola IA (evitar
  sesgos ou alucinacións) antes de incorporalos a un expediente público.
• CT2 Adaptación ao cambio tecnolóxico: Manter unha actitude proactiva ante a evolución
  constante das ferramentas dixitais na administración pública.
• CT3 Comunicación dixital: Interactuar de maneira efectiva a través de canles síncronas
  (videoconferencias) e dominar a linguaxe dos “prompts” para comunicarse cos sistemas de IA.
• CT4 Resolución de problemas complexos: Identificar ineficiencias no fluxo de traballo da área
  de benestar e propoñer solucións creativas utilizando a tecnoloxía dispoñible.
• CT5 Aprendizaxe autónoma: Capacidade para actualizar coñecementos sobre novas
  funcionalidades de IA e ferramentas de produtividade sen necesidade de supervisión constante.

Empregados da Deputación de Ourense
Empregados dos Concellos da provincia de Ourense
Orde de matrícula

Para superar o curso, o alumnado deberá cumprir con:
Unha presencialidade mínima do 80%.
Participar activamente nas sesións.
Entregar as tarefas prácticas que demostre a aplicación da IA en supostos reais do seu posto
de traballo.

Microcredencial en ” Utilización da IA nos servizos sociais das administracións e das entidades sociais”

Horas de teoría síncrona: 10 horas
Horas de práctica síncrona: 6 horas