Tutorizar a Formación Dual: deseño, acompañamento e avaliación en entornos compartidos

Coñecer os condicionantes legais e os elementos clave dun programa de formación dual así como o papel que desempeñan os distintos axentes implicados (centro educativo, empresa/institución, titoría académica e titoría na entidade colaboradora). Analizar as funcións, responsabilidades e condicións da titoría en contextos duais, identificando necesidades de coordinación interinstitucional. Deseñar un plan básico de acollida e de seguimento do estudantado na entidade colaboradora, articulado co proxecto formativo. Seleccionar e empregar instrumentos de avaliación formativa (rexistros de seguimento, rúbricas e portafolios electrónicos, …) axeitados ao desenvolvemento de competencias profesionais en formación dual. Elaborar un proxecto formativo en alternancia que integre, entre outros, obxectivos e competencias, actividades, momentos de titoría e criterios de avaliación.

Esta microcredencial está dirixida a persoas interesadas en adquirir ou mellorar competencias para a titorización, coordinación e acompañamento de programas de formación dual e prácticas en alternancia entre a institución educativa e a entidade colaboradora. En particular, está orientada a: Titores e titoras de empresas ou entidades colaboradoras que participan en programas de formación dual ou en prácticas formativas en alternancia. Profesorado e persoal de centros educativos implicados na planificación, coordinación e seguimento de proxectos de formación dual, tanto no ámbito da Formación Profesional como no ámbito universitario. Profesionais interesados en iniciar ou mellorar a súa participación como axentes titoriais en programas de formación en alternancia, incluíndo funcións de acompañamento, orientación e avaliación do alumnado. Equipos directivos e persoal con responsabilidades de xestión educativa interesados en implementar, consolidar ou mellorar programas de formación dual desde unha perspectiva pedagóxica e organizativa.

A persoa egresada desta microcredencial disporá das capacidades, coñecementos e habilidades necesarias para exercer funcións de titoría, acompañamento e coordinación en programas de formación dual e prácticas en alternancia entre o centro educativo e a entidade colaboradora. Estará capacitada para comprender o modelo de formación dual desde unha perspectiva pedagóxica, organizativa e normativa, así como para situar o seu labor titorial como eixo vertebrador do proceso formativo do estudantado. A persoa egresada será quen de planificar e organizar itinerarios formativos duais adaptados ao contexto específico da empresa ou institución, deseñar plans de acollida e de seguimento do estudantado e acompañar os procesos de aprendizaxe en contornos profesionais reais, favorecendo a integración progresiva do alumnado e a reflexión sobre a experiencia formativa. Así mesmo, contará con competencias para establecer canles eficaces de comunicación e coordinación entre o centro educativo e a entidade colaboradora, promovendo unha visión compartida da aprendizaxe e garantindo a coherencia entre os obxectivos formativos, as actividades desenvolvidas e os procesos de avaliación. A persoa egresada poderá empregar instrumentos de avaliación coherentes cun enfoque competencial e formativo, tales como rexistros de seguimento, rúbricas e portafolios electrónicos ou outras ferramentas de apoio á titorización. Este perfil de egreso capacita para desempeñar funcións como titor/a académico/a, titor/a de empresa ou entidade colaboradora, coordinador/a de programas de formación dual, responsable de seguimento de prácticas en alternancia ou membro de equipos directivos e técnicos implicados na implantación, xestión e mellora de programas formativos duais, contribuíndo á calidade, á coherencia pedagóxica e á sustentabilidade deste modelo formativo.

• CE1 Planificar e organizar itinerarios formativos duais, adaptándoos ao contexto específico dunha empresa ou institución.
• CE2 Acompañar ao estudantado en prácticas duais, facilitando a súa integración, observando o seu progreso e promovendo a reflexión sobre a experiencia vivida.
• CE3 Establecer canles de comunicación e coordinación entre a institución educativa e a entidade colaboradora, favorecendo unha visión compartida do proceso de aprendizaxe.
• CE4 Empregar ferramentas de avaliación coherentes cun enfoque competencial e co carácter formativo das prácticas
• CE5 Revisar a propia actuación titorial e propoñer melloras desde unha perspectiva ética e reflexiva.

• CT1 Empatía e comunicación interpersoal.
• CT2 Colaboración e traballo en equipo
• CT3 Habilidades de comunicación
• CT4 Competencia dixital

Título de acceso preferente (ver apartado 1.5) 40% Experiencia laboral previa 40% Formación de posgrao específica 20%

Exercicio de análise do propio contexto de formación dual e do rol titorial (Módulo I) 10%. Diseño de un esquema de plan de acogida y de seguimiento del estudiante en la entidad colaboradora (Módulo II) 10%. Elaboración final de un proyecto formativo dual (producto integrador) 80%. Para obter o título será necesario asistir ao 85% das horas lectivas.

Microcredencial en ” Tutorizar a Formación Dual: deseño, acompañamento e avaliación en entornos compartidos”

Para obter o título será necesario asistir ao 85% das horas lectivas, así como superar todas as tarefas coa cualificación de “apto/a”.